Uashington - Darka e parë shtetërore në Shtëpinë e Bardhë nga Presidenti Joe Biden, mblodhi emra të mëdhenj të enjten nga fusha e modës, e artit, politikës dhe biznesit, të cilët shkuan në për të nderuar Presidentin francez Emmanuel Macron dhe ndihmuan në rikthimin e aktiviteteve të mëdha shoqërore pas pandemisë.

Pati puthje rreth e rrotull ndërkohë që çifti Biden doli në Portikun e Veriut për të mirëpritur çiftin Macron. Jill Biden e veshur me një fustan pa supe të Oscar de la Renta dhe Brigitte Macron me një fustan prej fildishi me jakë të lartë nga Louis Vuitton.

Jill Biden e hapi mbrëmjen, teksa katërshja u fut brenda, me fjalët "Gëzojeni mbrëmjen".

Mysafirët e tjerë hynë përmes një hyrjeje anësore, duke u dukur të bënin pikërisht këtë. I pari që mbërriti: Guvernatori i Luizianës, John Bel Edëards, i ndjekur jo shumë kohë më pas nga guvernatori John Carney, nga shteti i Bidenit, Delaëare.

Julia Louis-Dreyfus u ndal vetëm për të thënë se, po, ajo kishte qenë në një darkë shtetërore më parë dhe gjithçka ishte "shumë emocionuese".

Prezantuesi televiziv i natës vonë, Stephen Colbert, nuk tha asgjë ndërsa të ftuarit kalonin nëpër një Shtëpi të Bardhë të dekoruar për festat dhe hipën në karroca për të shkuar poshtë lëndinës së Jugut në një tendë festive të ngrohtë.

Dizajneri i këpucëve Christian Louboutin - i veshur me një kravatë kristali  - tha "Nuk e kam idenë" kur u pyet se sa gra mund të mbanin këpucët e tij me taban të kuq atë natë dhe se ai nuk do të rrezikonte të bënte hamendje.

Redaktorja e Vogue, Anna Ëintour gjithashtu ishte në mesin e 338 emrave në listën e të ftuarve.

Familja Biden bëri gjithashtu një dukje: Fëmijët e rritur, Hunter dhe Ashley, dhe motra Valerie Biden.

Të tjerë të pranishëm: Spikeri i "Good Morning America" Robin Roberts, aktorja Jennifer Garner, këngëtari John Legend dhe gruaja e tij, Chrissy Teigen, Presidenti i Kombit Navajo Jonathan Nez dhe Ada Limon, poete laureate e Shteteve të Bashkuara.

Garner ishte në mesin e atyre që kishin veshur kadife, një zgjedhje popullore në një natë kur temperaturat binin/

Kryetarja e Dhomës së Përfaqësuesve në largim, Nancy Pelosi, D-Calif, ishte atje, si dhe udhëheqësi republikan i Dhomës së Përfaqësuesve Kevin McCarthy nga Kalifornia, i cili shpreson të pasojë Pelosin. Ajo mori një vend në tryezën e kreut me Bidens dhe Macrons; McCarthy nuk e bëri.

I pyetur se si ndihej që merrte pjesë në një darkë me Hunter Biden, të cilin republikanët janë të prirur ta hetojnë kur të marrin kontrollin e Dhomës në janar," McCarthy tha: "Unë jam në darkë me nënën time dhe kam ndërmend ta kalojë bukur.”