BILD
Ai nuk luan më në ekipin kombëtar të Gjermanisë e megjithatë është një problem në Kupën e Botës: Mesut Ozil.
Gjatë ndeshjes së Gjermanisë kundër Spanjës, disa spektatorë mbanin një poster në stadiumin ‘Al Bayt’ që tregonte Ozil duke shkelur syrin.
Spektatorët e mbanin gojën e mbyllur. Duke aluduar kështu për protestën e gjermanëve para ndeshjes së parë kundër Japonisë, kur lojtarët gjermanë mbuluan gojën gjatë fotos së ekipit- sepse FIFA ua kishte ndaluar mbajtjen e shiritit ‘One Love’.
Një video tregon një spektator duke ecur nëpër rreshta dhe duke drejtuar posterin e Ozil në drejtim të tribunës. Stafi i sigurisë, i cili shpesh ka ndaluar posterat e protestës në Kupën e Botës, nuk bëri asgjë.
Por përse tani ky gjest me gojën për shkak të Ozil? Çfarë po ndodh?
Nuk dihet ende arsyeja e protestës.
Por thashethemi është ky: Federata Gjermane e Futbollit e përjashtoi Ozil nga ekipi për shkak të kritikave të tij ndaj politikës ujgure të Kinës.
Nuk është e vërtetë! Është e mundur që të jetë një referencë për incidentin e vitit 2018, kur Ozil bëri një foto me presidentin turk, Recep Tayyip Erdogan përpara turneut dhe i dha atij një bluzë me firmën: ‘Për presidentin tim’. Ozil u kritikua shumë për afërsinë e tij me despotin; pas Kupës së Botës, lojtari dha dorëheqjen nga kombëtarja.
Ozil e akuzoi Federatën Gjermane të Futbollit për ‘racizëm dhe mungesë respekti' dhe tha: “Unë jam gjerman kur fitoj dhe emigrant kur humb”.
Pra, a po na akuzojnë shikuesit ne për standarde të dyfishta, sepse jemi ankuar se FIFA na ka ndaluar të shprehim opinionin tonë© SYRI.net