Të paktën 151 persona kanë vdekur dhe 82 janë plagosur në një përplasje turme në kryeqytetin e Koresë së Jugut, Seul, njofton BBC mëngjesin e kësaj të diele lidhur me festën që u kthye në tragjedi. Ndër të vdekurit, 19 shtetas janë të huaj, thanë shërbimet e urgjencës.

Raportet thonë se argëtuesit u vranë në përplasjen ku një turmë prej rreth 100,000 njerëzish po festonin Halloween. Tragjedia ndodhi kur turmat e mëdha u ngjitën në një rrugicë të ngushtë në zonën e njohur për jetën e natës, Itaewon

Shumica e të vrarëve ishin adoleshencë dhe në të 20-at, thonë zyrtarët

Dëshmitarët raportuan se policia po përpiqej të kontrollonte turmat e të rinjve që argëtoheshin.

Të mbijetuarit thanë se ata mezi po merrnin frymë kur trupat po shtrëngoheshin kundër njëri-tjetrit

Ky ishte festimi i parë i Halloëeen-it në Seul që kur u hoqën kufizimet Covid, që detyronin mbajtjen e maskave të distancimin shoqëror.

Presidenti i Koresë së Jugut Yoon Suk-yeol ka vizituar zonën ku ndodhi përplasja dhe urdhëroi një hetim dhe një grup pune për të ndihmuar të plagosurit.

Rritja e numrit të viktimave ka qenë e shpejtë, thotë mjeku në vendngjarje

Një mjek që u dha ndihmën e parë viktimave ka përshkruar luftën e dëshpëruar për të shpëtuar jetë. Lee Beom-suk foli me transmetuesin lokal YTN, cituar nga agjencia e lajmeve AFP.

"Kur u përpoqa për herë të parë të bëja masazh kardiak, kishte dy viktima të shtrirë në trotuar. Por numri shpërtheu menjëherë më pas, duke i tejkaluar ata që po ndihmonin në vendin e ngjarjes," tha ai. "Shumë kalimtarë erdhën për të na ndihmuar me CPR."

"Është e vështirë të përshkruash me fjalë. Fytyrat e shumë viktimave ishin të zbehta. Nuk mund t'ua ndieja pulsin apo frymën dhe shumë prej tyre i kishin hundët të gjakosura."