Shtëpia e Bardhë njoftoi se planifikon të fillojë vaksinimet kundër koronavirusit në Nëntor për 28 milionë fëmijë të moshës 5 deri në 11 vjeç me vaksinën Pfizer, kur miratohet nga autoritetet shëndetësore.

"Planet tona nënkuptojnë që ne do të jemi gati për të filluar vaksinimin disa ditë pas rekomandimit përfundimtar të Qendrave për Kontrollin dhe Parandalimin e Sëmundjeve (CDC)," tha Shtëpia e Bardhë.

Komiteti i Ekspertëve të CDC do të mblidhet në 2 dhe 3 Nëntor dhe një rekomandim duhet të ndiqet menjëherë pas kësaj.

Para kësaj, bordi këshillues i Agjencisë Amerikane të Barnave (FDA) do të rishikojë të dhënat që Feiser paraqiti më 26 shtator.

Nëse rekomandimi është pozitiv, FDA do të japë dritën jeshile zyrtare dhe do të hapë rrugën për CDC.

Vaksina do të jetë në dispozicion tek pediatrit, spitalet e fëmijëve dhe shkollat, sipas Shtëpisë së Bardhë.

Qeveria amerikane thekson se ka mjaft vaksina për të gjithë fëmijët e asaj moshe.