‘Economist Intelligence Unit’ ka paraqitur ‘Indeksin e qyteteve më të sigurta 2021’.

Bazuar  në fusha të tilla si siguria dixhitale, shëndeti, infrastruktura, siguria personale dhe siguria mjedisore autorët e raprotit kanë vlerësuar 60 qytete në të gjithë botën si të sigurta.

Të gjitha qytetet në krye të listës kanë dëshmi se siguria e përgjithshme është e lidhur pazgjidhshmërisht me kohezionin e fortë shoqëror, pjesëmarrjen e të gjithë popullsisë në jetën ekonomike të qytetit dhe një ndjenjë më të gjerë besimi.

Qytetet që zunë dhjetë vendet e para të listës janë :

10. Stokholm

9. Melburn

8. Hong Kong

7. Wellington

6. Amsterdam

Tokio kryeqyteti japonez ndodhet në vendin e pestë dhe kryesonte listën për kategorinë e sigurimeve shëndetësore, e cila vlerëson faktorë të tillë si mbulimi universal i shëndetit, jetëgjatësia, shëndeti mendor dhe vdekshmëria nga Covid-19. 

Përkundër rritjes së rasteve gjatë Lojërave Olimpike, tani ka një ulje të konsiderueshme të shtrimeve në spital dhe vdekjeve dhe vaksinimi i 60% të popullsisë ka kontribuar në këtë.

Në shtator, qyteti hoqi gradualisht kufizimet për Covid-19. 

Tokio ishte gjithashtu në krye të indeksit të sigurisë së infrastrukturës, i cili vlerëson, ndër të tjera, cilësinë e transportit publik, sa miqësor është një qytet me këmbësorët dhe sa i sigurt është transporti.

Qyteti më i madh i Australisë Sidnei ndodhet në vendin e katërt dhe  kryesoi në kategorinë e sigurisë dixhitale. 

Ai përfshin elemente të tilla si politikat e privatësisë së një qyteti, siguria kibernetike dhe plani i përgjithshëm i zhvillimit të qytetit.

Për çështjen e pandemisë, Australia zbatoi një politikë të kufijve të mbyllur dhe bllokimit të rreptë, kështu që këtu numri i rasteve dhe vdekjeve ishte gjithmonë i ulët.

 Një element tjetër i qytetit është krimi minimal. 

Ndërsa Singapori që ndodhet në vendin e tretë është i dyti në kategorinë e sigurisë dixhitale, shëndetit dhe sigurisë në infrastrukturë. 

Ai i përdori të gjitha këto për të lëvizur shpejt në ditët e para të pandemisë, duke pasur mbikëqyrje dixhitale të popullsisë dhe gjurmimin dixhital të kontakteve të rasteve.

Para se të hyjnë në ndonjë ndërtesë, qytetarët aktivizojnë aplikacionin TraceTogether. 

Kjo i lejon autoritetet të identifikojnë shpejt njerëzit që kanë rënë në kontakt me rastet dhe t'i karantinojnë ata para se të transmetohet virusi.

Qyteti më i madh në Kanada, Toronto ndodhet në vendin e dytë është veçanërisht i fortë në infrastrukturë dhe siguri mjedisore. 

Torontos i atribuohet gjithashtu një kulturë që kërkon të përfshijë të gjitha komunitetet e një qyteti multikulturor.

 Kompania tipike në kafenetë e qytetit zakonisht përbëhet nga kombësi, fe të ndryshme.

"Toronto është një qytet me mendje shumë të hapur ku ndërveprojnë kultura të ndryshme," tha Filipe Vernaza, e cila jeton atje që nga viti 1998, për BBC.

Në krye të listës është kryeqyteti i Danimarkës, Kopenhagen.

 Në radhë të parë, performanca e tij kontribuoi në mbrojtjen e mjedisit, në zona të tilla si qëndrueshmëria, menaxhimi i mbeturinave dhe zonat urbane të gjelbra dhe pyjore. 

Kjo e fundit, në veçanti, ndihmoi që banorët e qytetit të kalonin relativisht pa dhimbje kufizimet e pandemisë, të cilat tani janë hequr të gjitha.

The Economist gjithashtu gjeti një korrelacion të fortë midis zvogëlimit të korrupsionit dhe sigurisë së një qyteti.

 Pra, nuk është për t'u habitur që Danimarka konsiderohet vendi më pak i korruptuar në botë, i cili i ka ndihmuar qytetarët e saj që të kenë besim në institucionet e tyre gjatë pandemisë.