Politikanët spanjollë të krahut të djathtë spanjollë po refuzojnë thirrjet që Spanja të kërkojë falje për kapitujt e errët në të kaluarën e saj koloniale dhe janë tallur me njohjen së fundi nga Presidenti i SHBA Joe Biden, të mizorive që pësuan popujt indigjenë.
Udhëheqësi I Partisë Popullore konservatore (PP), Pablo Casado, e përshkroi zgjerimin kolonial të Spanjës në Amerikë si "ngjarjen më të rëndësishme në histori pas Perandorisë Romake", në vigjileje të kremtimit më 12 tetor të Spanjës që përkujton mbërritjen e Kristofor Kolombit në vitin 1492 në Botën e Re.
"A duhet të kërkojë falje mbretëria e Spanjës, sepse pesë shekuj më parë zbuloi Botën e Re, i respektuan ata që ishin atje, krijoi universitete, krijoi begatinë, ndërtoi qytete të tëra? Unë nuk mendoj kështu," tha zoti Casado në një video të postuar në Twitter.
Komentet e tij erdhën pas Presidentit Biden, në një mesazh për të përkujtuar festën e Ditës së Kolombit të SHBA, tha se mbërritja e eksploruesit kishte çuar në "një valë shkatërrimi" për amerikanët vendas dhe ai u kërkoi amerikanëve të mos "i varrosnin këto episode të turpshme të së kaluarës sonë".
Ai lëshoi një proklamim për të bërë ditën e 11 tetori, Ditën e Popujve Indigjenë në SHBA krahas Ditën ekzistuese për Kolombin.
Udhëheqësi i Partisë spanjolle Vox të ekstremit të djathtë, Santiago Abascal, e denoncoi z. Biden si "Presidenti i mjeruar i Shteteve të Bashkuara".
Ai shtoi: "Ai sapo ka sulmuar kryeveprën e madhe të pushtimit spanjoll: Ungjillizimin.
"Sa krenarë mund të ndjehemi për atë që e bënë paraardhësit tanë", tha ai, duke i përshkruar kolonitë spanjolle si "Perandoria e të Drejtave të Njeriut".
Vox, partia e tretë më e madhe në parlament, shpesh pohon rëndësinë historike të Spanjës gjatë Mesjetës.
Përpjekja e separatistëve katalanas për të krijuar shtetin e tyre të pavarur në vitet e fundit duket se ka nxitur ndjenjën nacionaliste në pjesën më të madhe të Spanjës.
© SYRI.net