Stocholm - Fituesi i çmimit Nobel 2021 për punë të jashtëzakonshme në fushën e ekonomisë do të shpallet të hënën. Ndryshe nga çmimet e tjera Nobel, çmimi i ekonomisë nuk u vendos në testamentin e Alfred Nobel, por nga banka qendrore suedeze në përkujtim të tij në vitin 1968, me fituesin e parë të zgjedhur një vit më vonë. Ai është çmimi i fundit që shpallet çdo vit.

Çmimi i vitit të kaluar shkoi për dy ekonomistë të Universitetit Stanford të cilët trajtuan problemin e ndërlikuar të bërjes së ankandeve më shumë efiçentë.

Gjithashtu krijoi një moment të këndshëm kur njëri duhej të trokiste në derën e tjetrit në mes të natës për ta zgjuar dhe për t’i thënë se kishin fituar.

Javën e kaluar, Çmimi Nobel për Paqen për vitin 2021 iu dha gazetarëve Maria Ressa nga Filipinet dhe Dmitry Muratov nga Rusia për luftën e tyre për lirinë e shprehjes në vendet ku gazetarët janë përballur me sulme të vazhdueshme, ngacmime dhe madje edhe vrasje.

Çmimi Nobel për letërsinë iu dha shkrimtarit tanzanian me bazë në Mbretërinë e Bashkuar, Abdulrazak Gurnah, i cili u vlerësua për "depërtimin e tij të pakompromis dhe të dhembshur në efektet e kolonializmit dhe fatin e refugjatit".

Çmimi për fiziologjinë ose mjekësinë shkoi për amerikanët David Julius dhe Ardem Patapoutian për zbulimet e tyre se si trupi i njeriut e percepton temperaturën dhe prekjen.

Tre shkencëtarë fituan çmimin e fizikës për punën që gjeti rregull tek çrregullimi në dukje, duke ndihmuar në shpjegimin dhe parashikimin e forcave komplekse të natyrës, përfshirë zgjerimin e të kuptuarit tonë për ndryshimin e klimës.

Benjamin List dhe David Ë.C. MacMillan fitoi çmimin e kimisë për gjetjen e një mënyre më të lehtë dhe më të pastër për mjedisin për të ndërtuar molekula që mund të përdoren për të bërë komponime, përfshirë ilaçe dhe pesticide.