Shtetet e Bashkuara dhe Mbretëria e Bashkuar kanë paralajmëruar për një kërcënim të sigurisë në hotelet në Kabul, duke u bërë thirrje qytetarëve të tyre që t'i shmangin ato.

Ministria e Punëve të Jashtme e Britanisë së Madhe deklaroi në faqen e internetit se "për shkak të rritjes së rrezikut, këshillohet të mos qëndroni në hotele" në Kabul.

Departamenti i Shtetit tha gjithashtu se qytetarët amerikanë këshillohen të "shmangin qëndrimin në hotele në Kabul dhe zonën përreth për shkak të kërcënimeve të sigurisë".

Deklarata përmend në mënyrë specifike Hotelin Serena, i cili është i popullarizuar në mesin e të huajve.