Shkencëtarët i kanë propozuar kryeministrit britanik, Boris Johnson që distancimi social duhet të jetë deri në tri metra.

Paneli i shkencëtarëve që këshillojnë qeverinë, i njohur si SAGE, kërkon që të bëhet ndryshimi për të parandaluar përhapjen e virusit.

Ndërsa deri më tani, distancimi social ishte deri në 2 metra, shkencëtarët thonë se duhet shtuar distanca.

Vendimi vjen në kohën kur ministri i Shëndetësisë, Matt Hancock ka kritikuar qytetarët se nuk po respektojnë rregullat e distancimit social.

Britania po regjistron shifra rekord të infektimeve dhe vdekjeve nga koronavirusi. Shkak është bërë një mutacion, i njohur si varianti britanik, që përhapet më shpejt mes njerëzve.