Njëri prej studimeve më të fundit shkencore mbi koronavirusin e ri ka treguar se njerëzit, sistemet imune të të cilëve iu përgjigjën fuqishëm një vaksine të fruthit-shytave-rubeolës (MMR) mund të kenë më pak të ngjarë të sëmuren rëndë nëse janë të infektuar me koronavirusin e ri. 

Vaksina MMR II, e prodhuar nga Merck dhe e licencuar në vitin 1979, funksionon duke nxitur sistemin imunitar për të prodhuar antitrupa, njofton Reuters.

Studiuesit raportuan të premten në “mBio” se midis 50 pacientëve me Covid-19 nën moshën 42 vjeç që kishin marrë vaksinën e fruthit-shytave-rubeolës në fëmijëri, sa më të larta i kishin nivelet e të ashtuquajturve antitrupa IgG të prodhuara nga vaksina e të drejtuara në veçanti kundër virusit të shytave, aq më pak të rënda i kishin simptomat.

Njerëzit me nivelin më të lartë të këtyre antitrupave të shytave, ishin asimptomatikë me COVID-19.

Nevojiten edhe më shumë kërkime për të provuar se kjo vaksinë e parandalon COVID-19 e rëndë.

Më tej, zbulimet e reja "mund të shpjegojnë pse fëmijët kanë një përqindje shumë më të ulët të rasteve COVID-19 sesa të rriturit, si dhe një normë shumë më të ulët të vdekjes", tha bashkautor Jeffrey Gold, president i Organizatës Botërore, në Watkinsville, Georgia, në një deklaratë .

"Shumica e fëmijëve e bëjnë vaksinimin e tyre të parë për fruth-shyta-rubeolë rreth moshës 12 deri në 15 muajshe dhe një të dytë nga mosha 4 deri në 6 vjeç".