Presidenti polak, Andrzej Duda ka fituar edhe pesë vjet në pushtet në një platformë fetare konservatore të ngushtë, që ka të ngjarë të thellojë izolimin e Varshavës në Bashkimin Evropian.

Rezultatet përfundimtare nga balotazhi i zgjedhjeve presidenciale të së dielës treguan se Duda mori mbi 51%, duke i dhënë atij një epërsi të pakontestueshme ndaj kryetarit liberal të Varshavës, Rafal Trzaskowski, i cili fitoi pothuajse 49% të votave, tha Komisioni Kombëtar i Zgjedhjeve, raporton Reuters.

Një katolik i devotshëm, Duda është aleat me partinë qeverisëse nacionaliste Ligj dhe Drejtësi (PiS) dhe fitorja e tij forcon mandatin e qeverisë për të ndjekur reformat e gjyqësorit dhe mediave për të cilat Komisioni Evropian thotë se shkatërrojnë standardet demokratike.

 Duda ka mbështetur kryesisht politikat e PiS.

"Në një masë të madhe, politika e Brukselit, ose më saktë e Berlinit, ishte përqendruar në mbështetjen e opozitës," i tha Arkadiusz Mularczyk, një ligjvënës i PiS. "Shoqëria polake nuk po e pranon këtë."

Mbështetur nga PiS, presidenti Duda zhvilloi një fushatë akrizonuese në zgjedhjet që u mbajtën megjithë pandeminë dhe u vu me gjuhë homofobike, sulme ndaj mediave private dhe akuzave që Trzaskowski u shërben interesave të huaja në vend të Polonisë.