Qytete italiane në gjithë vendin do të ulin flamujt dhe do të mbajnë një minutë heshtje ditën e sotme për të nderuar viktimat e koronavirusit.

Vatikani tha se dhe ai do t’i bashkohej nismës.

“Sot, në solidaritet me Italinë, Vatikani do të ngrejë flamujt në gjysmë lartësi, duke mbajtur zi dhe duke shprehur ngushëllime për viktimat në Itali dhe gjithë botën, ndaj familjarëve dhe atyre që po vuajnë,” tha Vatikani në një deklaratë.

Sipas një studimi të universitetit Johns Hopkins, në Itali ka pasur 11591 viktima nga koronavirusi, duke kapur kështu numrin më të lartë të vdekjeve në botë.