Bilioneri kinez dhe bashkëthemelues i kompanisë Alibaba, Jack Ma, thotë se ai do të dhurojë maska, teste koronavirusi dhe kostume mbrojtëse  në të gjitha shtetet afrikane për të ndihmuar kontinentin në luftën kundër pandemisë.

Ma do të dhurojë  një total prej 1.1 milionë teste, 6 milionë maska dhe 60,000 kostume mbrojtëse.

Ai do të punojë gjithashtu me institucione mjekësore në kontinet për të mundësuar një trajnim online të stafit.

“Bota nuk mundet të përballojë pasojat e tmerrshme të COVID-19 në Afrikë,” tha ai në një deklaratë ditën e djeshme.

Afrika ka konfirmuar 300 raste me koronavirus deri tani, 110 ndër të cilët vetëm në Egjipt.