Moska ka urdhëruar policinë të sulmojë hotele, apartamente dhe zyra në kërkim të kinezëve, për të ndaluar kështu përhapjen e koronavirusit, tregon Daily Mail.

Shoferëve të autobuzëve, metrove dhe tramit u është thënë të raportojnë nëse një pasagjer kinez hipën në to dhe t’i japë atyre një pyetësor. Pyetjet që ai përfshin kërkojnë të gjejnë arsyen e vizitës së tyre në Rusi dhe nëse kanë qënë në karantinë, para se të dilnin lirisht në qytet.

Kryebashkiaku i Moskës ka njoftuar gjithashtu se qyteti do të përdor kamera të sigurisë së lartë që njohin fytyrat, për tu siguruar që të ardhurit nga Kina kanë plotësuar periudhën e karantinës.

Shoferët e automjeteve të transportit publik kanë një grup të përbashkët Whatsapp-i, ku diskutojnë për rastet dhe kërkojnë këshilla.

“Sulme të tilla në banesa dhe zyra janë të pakëndshme, por është e nevojshme, jo vetëm për popullin rus por dhe për mbartësit e mundshëm të koronavirusit,” tha kryebashkiaku i Moskës, Major Sergei Sobayanin.