Policia greke po heton një zjarr që ra jashtë Muzeut Bizantin të Selanikut dhe që dëmtoi katër makina të parkuar dhe që dyshohet se është zjarrvënie e qëllimshme.

Mediat greke njoftojnë sot se incidenti ndodhi rreth orës 3:40 të mëngjesit të së premtes në parkingun e hapur të muzeut.

Tre nga makinat u dogjën i përkasin Ministrisë së Kulturës, e cila mund të ketë qënë shënjestra e sulmit. U shkatërrua edhe një makinë e katërt që i përket një individi privat.

Askush nuk u plagos në këtë incident.