Pas ngjarjes së rëndë në Gjermani, mediat në Angli raportuan për një sulm në një xhami në Londër. Një person me thikë sulmoi myezinin e xhamisë në Regent’s Park. Ai e goditi 70-vjeçarin me thikë në shpatull, teksa po bëhej gati të thërriste lutjen e pasdites. Por mediat britanike shkruajnë se policia nuk e sheh incidentin si një akt terrorist.

Një dëshmitar tha se i dyshuari kishte gjashtë muaj që vizitonte xhaminë.

Duke folur jashtë xhamisë, Mustafa Field nga Forumi për Besimet në Londër tha për Telegraph se mund të bëhet fjalë për një çrregullim mendor.

“Ai e vizitonte xhaminë prej muajsh. Nuk e dinim kush ishte. Ishte nga Ballkani, ndoshta nga Shqipëria. Ishte rreth të 30-ave”, tha Field.