Sulm kamikaz në Afganistan, ka viktima dhe të plagosur

Sulm kamikaz në Afganistan, ka viktima dhe të plagosur

18:18, 12/09/2019

Të paktën katër anëtarë të forcave të sigurisë afgane janë vrarë në një sulm vetëvrasës, në portën e përparme të një baze ushtarake në periferi të Kabulit, ka njoftuar një zyrtar afgan.

Përgjegjëisnë për sulmin e mori grupi militant i talibanëve, sipas Rel.

Të paktën tre persona të tjerë u plagosën, në sulmin që shënjestroi një bazë të forcave speciale afgane, tha zëdhënësi i ministrisë së Mbrojtjes, Rohullah Ahmadzai.

Një gazetar i televizionit lokal ToloNews tha se një numër i personave të armatosur sulmuan bazën dhe se luftimet po vazhdonin.

Sidoqoftë, Ahmadzai mohoi se kanë ndodhur përleshje të armatosura pas shpërthimit.

Ky incident ndodh një javë pasi presidenti amerikan, Donald Trump, i shpalli “të vdekura” bisedimet mes SHBA-së dhe talibanëve që kishin për synim t'i japin fund luftës 18-vjeçare në Afganistan.

 

© SYRI.net

Lexo edhe:

Komentet

Shto koment

Denonco