Ariana Grande ka shënuar në Twitter “mendoj për të gjithë ju” një ditë para përvjetorit të parë të sulmit terrorist në Manchester Arena. Njëzet e dy persona u vranë dhe qindra të tjerë u plagosën kur Salman Abedi shpërtheu një bombë në fund të koncertit të saj në 22 maj 2017.
Kjo ngjarje do të kujtohet nga një meshë në Katedralen e Manchester në orën 14:00 dhe një këngë të kënduar së toku. Po ashtu, do të mbahet një minutë heshtje kombëtare në orën 14:30.
Grande, e cila organizoi koncertin “One Love” në manchester më pak se dy javë pas sulmit, tha në Twitter: “Ju dua me gjithë qenien time dhe ju dërgoj gjithë dritën dhe ngrohtësinë që mund të ofroj në ditë kaq të vështirë”.
Kryebashkiaku i Manchesterit ka shprehur mbështetjen e tij për cilindo që u prek nga shpërthimi. Ai tha: ”Ja tek jemi sot për të kujtuar secilin prej atyre 22 personave, të cilëve iu mor jeta”. E me kalimin e orëve, njerëzit kanë vërshuar në Twitter dhe kanë reaguar në këtë përvjetor./SYRI.NET
Vogëlushja 8-vjeçare që mbeti viktimë e sulmit:
© SYRI.net