Klubi më i madh basketbollistik në Kosovë, KB Prishtina, ka bërë zyrtare ardhjen e një trajneri të ri në klub.

Sipas faqes zyrtare të klubit është trajneri lituanez, Audrius Prakuraitis, i cili ka arritur marrëveshje me klubin bardhë e kaltër.

Në faqen e klubit thuhet se Prakuraitis në dy vitet e fundit ka qenë trajner i skuadrës rumune, BC Targu Mures, ndërsa ka udhëhequr edhe me skuadra tjera të mëdha në Ukrainë.

Sigal Prishtina gjithashtu i ka uruar mirëseardhje trajneri lituanez, në ‘Shtëpinë e Kampionëve’, ashtu siç e quajnë veten.