Tuneli rrugor i Mont Blanc që lidh Francën dhe Italinë u rihap për udhëtarët të premten, pas përfundimit të punimeve të ndërtimit.

Videoja e kamerës në faqen e internetit të tunelit tregonte automjete ,që kalonin nëpër pikat e pagesës në mbrëmje. Kushtet e trafikut ishin normale në të dyja drejtimet, tha shërbimi i informacionit telefonik të tunelit.

Tuneli 11 kilometra i gjatë kishte qenë i mbyllur për 15 javë për shkak të punimeve në strukturën e tij, duke i detyruar shoferët të përdorin rrugë alternative dhe të përballen me kohë udhëtimi dukshëm më të gjata.

Rihapja vjen pas qindra testeve të sigurisë të kryera nga operatorët e tunelit në javët e fundit. Tuneli u mbyll gjithashtu për disa javë vitin e kaluar për punime të ngjashme strukturore.

Tuneli i Mont Blanc në Alpe u përurua në vitin 1965. Në atë kohë, ishte tuneli rrugor më i gjatë në botë./ DPA News.