Boll më! Fshati turistik Hallstatt ka mbyllur dyert.

Ky vendim erdhi për shkak se në këtë fshat të Austrisë, ku mund të gjenden copëza nga filmi i animuar i Elsës, jetesa e banorëve po bëhej e pamundur.

Edhe pse në fshatin alpin jetojnë vetëm 780 vetë, dhe është shpallur vend i trashëgimisë botërore nga UNESCO që prej vitit 1997, vitet e fundit është ‘pushtuar’ nga turistët.

Në pjesën më të madhe të kohës 10 mijë vetë e vizitojnë çdo ditë. Ata bëjnë selfie, foto dasme dhe shpesh futen edhe në shtëpitë e banorëve vendas për të përdorur tualetet e tyre.

Për rrjedhojë, ato kanë rrethuar zonën me një gardh për të frenuar turistët.

‘Ne kemi reaguar pas ankesave të banorëve të komunitetit’, tha për AFP një zyrtar komunal, i cili kërkoi të mos përmendet emri.

Në këto kushte, një fshat të ngjashëm mund të gjeni në Kinë, i cili është ndërtuar pikërisht i frymëzuar nga Hallstatt.