Ku dhe në cilën orë votojnë kandidatët e partive për kryeministër

07:31, 14/02/2021

Qytetarët e Kosovës me të drejtë vote sot i drejtohen kutive të votimit nga ora 07:00 deri në 19:00 për të zgjedhur 120 deputetët e Kuvendit të Kosovës, për legjislaturën e tetë.

Këto janë zgjedhje të parakohshme parlamentare, ku në garën zgjedhore janë 21 parti politike, 2 koalicione dhe 5 iniciativa qytetare.

Lideri i Lëvizjës Vetëvendosje, Albin Kurti, pritet të votojë nesër në Fakultetin Ekonomik-Juridik në Prishtinë.

Kështu është bërë e ditur nga LVV, në njoftimin e të cilës thuhet se Kurti do të jetë i pranishëm në qendrën e votimit në orën 09:30.

Ndryshe nga Kurti, kundërkandidati i tij nga Lidhja Demokratike e Kosovës, Avdullah Hoti, do të votojë në Fakultetin Filologjik në po të njëjtën orë.

Në këtë fakultet pritet të votojë edhe kandidati për këtë pozitë nga PDK, Enver Hoxhaj, nga ora 10:30.

© SYRI.net

Lexo edhe:

• Muhaxheri përuron ndriçimin publik nga Stacioni Policor deri tek Rrethi i Deltes në Pejë
• Partia e Serbëve të Kosovës reagon për mashtrimin e Listës Serbe
• Komunat veriore me numrin më të lartë të votuesve, mbi 80%