Me qindra e mijra qytetarë të Kosovës të cilët jetojnë e veprojnë jashtë vendit si pasoj e kushteve socio ekonomike, me mbajtjen e zgjedhjeve ia kanë mësyer vendlindjes për të votuar.
Nëpër qytete janë shtuar këtë fund javë automjetet me targa të huaja e po ashtu edhe nëpër lokale.
Disa kanë nisur të vijnë me automjete, shumë të tjerë me autobusë e aeroplanë.
Dihet shumë mirë se diaspora dërgojnë miliarda euro remitenca e tash ata duan të jenë edhe pjesë e zhvillimeve politike me votën e tyre.
Qindra automjete me targa të huaja kanë hyrë e po hyjnë në Kosovë orët këto ditë.
Po ashtu dhjetra autobusë të organizuar me simbole e veshje kombëtare kanë mbërritur nga vendet të ndryshme evropiane.
Derisa vetëm sot drejt Kosovës kanë ardhur 26 aeroplanë me votues të cilët me të zbritur në Aeroportin e Prishtinës kanë dhezur atmosferën efestë t%veshur me veshje kombëtare e simbole.
Po ashtu edhe nesër pritetn ardhje të shumta si nga toka po ashtu edhe nga ajri
Zyrtari për informim nga Aeroporti i Prishtinës Bujar Gashi tregoi për "Syri.net" se nesër pritet të vijnë në Kosovë 19 aeroplanë nga vende të ndryshme evropiane.
Sipas tij 6 aeroplanë vijnë nga Zvicra, 5 nga Gjermania, 4 nga Franca, 2 nga Austria dhe 2 nga Turqia.
Ai tregoi po ashtu se sot në ANP kanë ardhur 26 aeroplanë, ku 9 prej tyre ishin nga Zvicra, 12 nga Gjermania, 4 nga Franca (mulhouse) 1 nga Turqia
Derisa edhe nga kompanitë e autobusëve nga Kosova tregojnë për "Syri.net" se kanë ardhur mbi 20 autobusë me mërgimtarë nga vende të ndryshme evropiane si nga Zvicra, Gjermania, Austria e vende tjera.
Shefi i Stacionit të Autobusëve të Prishtinës Sheqir Abazi, tregoi për "Syri.net", se posa linjave të rregullta ndërkombëtare ka pasur numër të shtuar të ardhjeve të autobusëve nga vende evropiane ditët e fundit.
© SYRI.net