Aty ku e nisën, Vetëvendosje përmbyll fushatën në Prishtinë

12:55, 12/02/2021

Lëvizja Vetëvendosje në krye me kandidatin për kryeministër Albin Kurti janë mbledhur sot për të përmbyllur fushatën për zgjedhjet e parakohshme parlamentare që do të mbahen më 14 shkurt, shkruan Syri Kosova.

E pranishme në këtë tubim është edhe kandidatja për presidente Vjosa Osmani si dhe kandidatët tjerë për deputetë nga kjo parti.

Të shoqëruar nga një numër i madh i qytetarëve Kurti e Osamni, që në çdo takim ishin së bashku, kanë përfunduar marshi te objekti i Qeverisë, ku edhe ishte vendosur një mbishkrim “Qeveria Kurti”.

Kurti ishte i shoqëruar nga bashkëshortja e tij dhe bashkëpartiakët.

Edhe Osmani ishte e shoqëruar nga bashkëshorti i saj Prindon Sadriu.

Ish-kryeministri Kurti me këtë rast u shpreh i bindur në fitore, duke ripërsëritur se këto zgjedhje janë referendum për VV-në dhe Kosovën.

© SYRI.net

Lexo edhe:

• Muhaxheri përuron ndriçimin publik nga Stacioni Policor deri tek Rrethi i Deltes në Pejë
• Partia e Serbëve të Kosovës reagon për mashtrimin e Listës Serbe
• Komunat veriore me numrin më të lartë të votuesve, mbi 80%