Anëtari i LDK’së, Bajram Gecaj ka deklaruar se finalja e përballjes me Serbinë kërkon vizionin e Ibrahim Rugovës.
Gecaj tha se shteti i Kosovës ka nevojë e domosdoshmëri për urtësinë, insistimin, konsistencën dhe vullnetin e pathyeshëm mbi 30 vjeçar të LDK’së.
Ai thotë se Avdullah Hoti është përfaqësuesi më i denjë i këtij vullneti këmbëngulës
Postimi i plotë:
Finalja e përballjes me Serbinë kërkon vizionin e Ibrahim Rugovës dhe largpamësinë tanimë të sprovuar shtet-formuese të LDK-së. Shteti ynë ka ende nevojë e domosdoshmëri për urtësinë, insistimin, konsistencën, paluhatshmërinë dhe vullnetin e pathyeshëm mbi tridhjetëvjeçar të LDK-së. Avdullah Hoti është përfaqësuesi më i denjë i këtij vullneti këmbëngulës. Nuk është kjo kohë për eksperimente me individë e subjekte të sprovuara për të kundërtën!
© SYRI.net