Vetëvendosja vazhdon të bëjë publike letrat mbështetës nga forume e liderë ndërkombëtar.
Sot nga ky subjekt kanë njoftuar se kanë pranuar letër mbështetëse nga Forumi Parlamentar i Socialistëve, Progresistëve të BE-së dhe Amerikës Latine.
“Në letrën e dërguar nga kryeqyteti i Meksikës, Meksiko, e nënshkruar nga deputetja nga Honduras, njëkohësisht kryetare e këtij grupi ndërkontinental të progresistëve, Gloria Guadalupe Oqueli dhe nga Sekretari i Përgjithshëm i këtij grupi, z. David Balsa, Lëvizjes VETËVENDOSJE! i urohet sukses në zgjedhjet e 14 shkurtit”.
Më tutje në letër thuhet “Ne jemi të sigurt se VETËVENDOSJE! do të arrijë rezultate pozitive në këto zgjedhje të reja me mbështetjen e qytetarëve të Kosovës.”
LVV po vlerëson këtë mbështetje për faktin që një pjesë e konsiderueshme e shteteve të përfaqësuara në këtë mekanizëm ndërkontinental ende nuk e kanë njohur vendin tonë.
© SYRI.net