Partia Socialiste është zyrtarisht në fushatë. Një ditë pas asamblesë së PS, kreu i grupit parlamentar, Bledi Cuçi, me porosi të kryeministrit Edi Rama u kërkoi deputetëve të angazhohen tërësisht në terren, sepse fushata ka nisur. Urdhri vjen, disa javë, pasi kryeministri i kërcënoi deputetët socialistë me zgjedhje të parakohshme.
Syri tv
Kryeministri Edi Rama, ka nxjerrë zyrtarisht në fushatë deputetët socialistë. Një ditë pas asamblesë së Partisë Socialistë kreu i grupit Bledi Çuçi, i ka përcjelle deputetëve të PS, porosinë e kryetarit të tyre, duke u kërkuar të angazhohen tërësisht në terren, pasi fushata ka nisur. Porosia vjen, pasi në mbledhjen e fundit të grupit, kryeministri Rama, i kercënoi ligjvënësit e tij, se do ti dërgojë në zgjedhje të parakohshme, deklaratat që janë përforcuar edhe nga ministra të qeverisë.
Duhet një prezencë e shtuar fizike në terren sipas zonave tuaja. Konsiderojeni këtë si një periudhë fushate duke nisur që nga dje. Është shumë e rëndësishme që procesin zgjedhor brenda partisë ta ndjekim personalisht. Ka nevojë për ritëm të shtuar për të kapur afatet.
Me porosi për të qenë të angazhuar në terren, Çuçi njoftoi socialistët se projektligji për amnistinë penale dhe ai për lojërat e fatit, që kanë qenë gati për tu miratuar, janë shtyre sërish dhe nuk do të votohen në seancën e kësaj të enjte.