Mëlçia, organi më i madh i brendshëm i trupit, ndodhet poshtë kafazit të kraharorit dhe shërben si një pajisje filtrimi, duke hequr substancat toksike nga gjaku; prandaj është një nga organet më të rëndësishme. Megjithatë, shenjat e dëmtimit të mëlçisë ose sëmundjes shpeshherë janë të lehta për t'u anashkaluar, sepse ato mund të jenë gjithashtu tregues të problemeve të tjera shëndetësore.
Verdhëza
Verdhëza është një gjendje mjekësore në të cilën lëkura dhe sklera (pjesa e bardhë e syve) kthehen në të verdhë. Pasohet nga urina me ngjyrë të errët dhe ënjtje stomaku. Gjendja njihet edhe si hiperbilirubinemia sepse gjaku ka një grumbullim të bilirubinës. Nëse vëreni ndryshime, kërkoni menjëherë ndihmë mjekësore.
Të përzierat, stomaku i trazuar
Të përzierat dhe stomaku i trazuar mund të jenë shenja të hershme të sëmundjes së mëlçisë. Këto simptoma pasohen nga humbja e oreksit dhe diarreja. Shumë nga këto çështje mund të ndodhin gjatë menstruacionet ose gripit, dhe ndonëse nuk ka udhëzime specifike se kur duhet të filloni kontrollin e rregullt të funksionit të mëlçisë, flisni me mjekun e familjes.
Dhimbjet e barkut
Një mëlçi e zmadhuar ndjeshëm mund të zbulohet nga sikletet në bark, dhimbjet e barkut dhe ndjesitë e gazrave. Nëse dhimbja shfaqet në pjesën e sipërme të barkut dhe shtrihet në shpatullën e djathtë, mund të jetë një shenjë e kancerit të mëlçisë.
Jashtëqitja e zbehtë, urina e errët
Urina e errët, jashtëqitja e zbehtë dhe ënjtja janë ndër simptomat e fazës së avancuar të mosfunksionimit të mëlçisë. Sëmundja e mëlçisë yndyrore mund të shkaktohet nga alkooli i tepërt, diabeti, obeziteti dhe presioni i lartë i gjakut. Nëse nuk trajtohet në kohë, mund të kalojë në cirrozë të avancuar.
MJegullimi i trurit
Konfuzioni mund të shkaktohet kur mëlçia nuk funksionon siç duhet dhe grumbullohen toksina, duke e bërë trurin tuaj të mjegulluar. Kjo njihet si encefalopati hepatike dhe një person mund të duket i hutuar dhe i çorientuar. Zakonisht shfaqet tek njerëzit me sëmundje kronike të mëlçisë.
Kruajtja e lëkurës
Një tjetër simptomë e zakonshme e mosfunksionimit të mëlçisë është kruajtja e lëkurës. Kjo simptomë zakonisht vjen me lodhje, të vjella dhe simptoma të tjera të listuara. Lëkura të kruhet nëse mëlçia është në rrezik për shkak të rritjes së bilirubinës që stimulon neuronet shqisore periferike të kruajtjes.
Venat merimangë
Enët e dëmtuara të gjakut që duken të purpurta, kaltëroshe ose të kuqërremta njihen gjithashtu si venat merimangë. Në shumë raste të sëmundjes së mëlçisë yndyrore jo-alkoolike ose infeksionit HCV, këto enë gjaku shfaqen të kuqe, me lëkurë të skuqur përreth zonës.
Humbja e muskujve
Gati 60% e pacientëve që vuajnë nga sëmundjet e mëlçisë në fazën përfundimtare përjetojnë një humbje të masës muskulore skeletore. Ata që vuajnë nga cirroza e mëlçisë ose mosfunksionimi i mëlçisë janë në një rrezik më të madh për të përjetuar një rënie në masën, forcën dhe funksionin e muskujve, gjë që zakonisht quhet sarkopeni.
Humbja e oreksit
Cirroza dhe kanceri i mëlçisë mund t'ju bëjnë të humbni oreksin dhe mund të humbni peshë. Humbja e oreksit rrallëherë është shenja e vetme e mosfunksionimit të mëlçisë, por në kombinim me temperaturë të lartë dhe dridhje, gjak të vjella dhe dhjamë me ngjyrë të zbehtë, është e nevojshme të shkoni te mjeku.
Gunga pranë qepallës
Kolangiti primar biliar (PBC) është një sëmundje e mëlçisë që prek kanalet biliare që kalojnë nëpër mëlçi. Gungat e vogla pranë syve tuaj mund të jenë një nga simptomat e këtij çrregullimi autoimun. Nëse sëmundja nuk zbulohet deri vonë ose nëse trajtimi nuk fillon, jetëgjatësia mesatare është 10 deri në 15 vjet.
Katër faza të mosfunksionimit të mëlçisë
Inflamacioni ose hepatiti është faza e parë. Fibroza është faza e dytë; edhe pse ka dëmtim, mëlçia mund të rikuperohet ende. Megjithatë, faza e tretë, cirroza, është dëmtim i pakthyeshëm i mëlçisë. Faza e katërt dhe e fundit mund të jetë akute ose kronike, dhe një jetë varet nga mundësia e transplantimit.
Nuk është vetëm alkooli
Nëse duhet të pini, duhet ta bëni me moderim. Por mëlçia juaj vuan edhe nëse nuk jeni të kujdesshëm me ushqimet me sheqer dhe pijet e gazuara. Pini ujë me limon, kamomil, çaj me shafran Indie, xhenxhefil dhe limon, grejpfrut ose lëng xinxife për të shpërlarë këto ushqime. Nëse vëreni ndonjë ndryshim, shkoni te mjeku juaj i përgjithshëm, i cili, nëse është e nevojshme, do t'ju dërgojë një hepatolog.
© SYRI.net
Orangutangu përdor vetë bimë mjekësore për të kuruar plagën – Vëzhgimi i parë nga shkencëtarët
Medikamenti antitumoral, i suksesshëm në kurimin e artritit
Këshilla numër një për humbje peshe, sipas dietologëve: Mjafton ky ushqim!
Denonco
Merrni lajmet më të fundit nga SYRI.net në çdo moment dhe kudo që të jeni!
