Studimi: Tri dekadat e fundit, rritje 80% e kancerit tek moshat nën 50 vjeç

13:13, 07/09/2023

Në të gjithë globin, normat e diagnozave të kancerit tek njerëzit nën moshën 50 vjeç janë rritur gjatë tri dekadave të fundit.

Rreziku i prekjes nga kanceri rritet me kalimin e moshës – por hulumtimet e reja tregojnë se ka pasur një rritje prej 79 për qind të numrit të njerëzve nën moshën 50 vjeç që preken nga kanceri gjatë tre dekadave të fundit.

Duke u mbështetur në të dhënat nga një perspektivë globale, evidencat tregojnë se rastet e kancerit tek të rinjtë janë rritur në shumë pjesë të botës që nga vitet 1990, shkruan Euronews.

Viti 2019 pa 1,82 milionë diagnoza të reja kanceri tek moshat nën 50 vjeç, që është një rritje prej 79% në krahasim me numrin e regjistruar në vitin 1990.

Duke publikuar gjetjet e tyre në revistën me akses të hapur BMJ Oncology, studiuesit vlerësojnë se numri global i rasteve të reja të kancerit kapur që në fillim dhe vdekjeve të lidhura do të rritet me 31% dhe 21% më tej përkatësisht deri në vitin 2030, me ata në të 40-tat më të rrezikuar..

Gjetjet thonë se faktorët gjenetikë mund të luajnë një rol, por dietat e pasura me mish të kuq dhe kripë, dhe me pak fruta dhe qumësht, si dhe përdorimi i alkoolit dhe duhanit janë faktorët kryesorë të rrezikut në shumë nga kanceret më të zakonshme të zbuluara te njerëzit nën 50 vjeç.

Mungesa e ushtrimeve fizike, shtimi i tepërt në peshë dhe sheqeri i lartë në gjak janë gjithashtu faktorë që kontribuojnë, sipas të dhënave./ar.sh/SYRI.NET

© SYRI.net

Lexo edhe:

• Studimi: Injeksionet e botoksit mund të jenë një zgjidhje kundër depresionit
• Alergji nga dielli? Ja si të mbroheni!
• Uji i pishinave rrit shanset për infeksione të ndryshme