Të jetuarit pranë gjelbërimit e ul moshën tuaj biologjike me 2,5 vjet

16:35, 29/06/2023

Një studim i ri ka zbuluar se të jetuarit pranë hapësirave të gjelbra mund t'ju bëjë biologjikisht më të rinj.

A mund t'ju bëjë të jetuarit pranë një parku “më të ri” se mosha juaj aktuale? A po kërkoni për një burim rinie? Mos i harxhoni pra, paratë për kozmetikë të kushtueshme dhe kaloni më shumë kohë në parqe.

Një studim i ri ka treguar se aksesi në parqe dhe kopshte në lagjen tuaj mund të ngadalësojë plakjen biologjike, shkruan Euronews.

Një ekip i përbashkët kërkimor spanjoll dhe amerikan zbuloi se njerëzit që jetojnë pranë hapësirave të gjelbra janë mesatarisht 2.5 vjet biologjikisht më të rinj se ata që nuk jetojnë pranë tyre.

"Të jetosh afër gjelbërimit mund t'ju ndihmojë të jeni më të rinj se mosha juaj aktuale," tha Kyeezu Kim, autori kryesor i studimit dhe një studiues postdoktoral në Shkollën e Mjekësisë Feinberg të Universitetit Northëestern.

"Ne besojmë se gjetjet tona kanë implikime të rëndësishme për planifikimin urban në drejtim të zgjerimit të infrastrukturës së gjelbër për të promovuar shëndetin publik dhe për të reduktuar pabarazitë shëndetësore."

Si e masin shkencëtarët moshën biologjike?

Ky studim i ri hetoi ndikimin e parqeve në moshën biologjike.

Ekipi analizoi një lloj modifikimi kimik të ADN-së të njohur si "metilim". "Metilimi" është një proces kimik që ndodh në ADN-në tonë.

Disa modele të metilimit të ADN-së priren të ndryshojnë me kalimin e moshës, dhe këto ndryshime mund të përdoren për të vlerësuar moshën biologjike të një personi në një nivel molekular - diçka e njohur si një "orë epigjenetike".

Duke kontrolluar këtë orë, shkencëtarët mund të parashikojnë shanset e dikujt për një atak në zemër, kancer ose rënie njohëse.

Si e kthen pas orën tuaj epigjene vizita në një park?

Dr Kim dhe ekipi i tij analizuan adresat e shtëpive të 924 njerëzve në katër qytete të SHBA gjatë 20 viteve - nga 1986 deri në 2006 - për të përcaktuar se sa afër jetonin me bimësinë dhe parqet.

Ata i lidhën këto të dhëna me mostrat e gjakut të marra gjatë të njëjtës periudhë kohore, duke kontrolluar për variabla të tjerë si arsimi, të ardhurat dhe faktorët e rrezikut si pirja e duhanit.

Rezultatet janë të zymta. Një grup i të anketuarve jetonte në adresa të rrethuara nga 20 për qind mbulesë e gjelbër brenda një rrezeje prej 5 km. Ata ishin rreth 2.5 vjet biologjikisht më të vjetër se ata, shtëpitë e të cilëve ishin të rrethuar nga 30 për qind mbulesë jeshile.

© SYRI.net

Lexo edhe:

• Farat e susamit, përplot dobi shëndetësore
• ISSH: Rëndësia e vitaminës D në organizëm
• Këto janë testet që tregojnë se sa mirë po plakeni