Shkencëtarët po përpiqen të gjurmojnë një banor të Ohajos, i cili ata besojnë se është pacienti më jetëgjatë me Covid ndonjëherë.
Sipas Daily Mail, pacienti – që mendohet se jeton në zonën e Columbus – po mban një version shumë të mutuar të virusit që është “ndryshe nga asgjë” që kanë parë ekspertët.
Virusi është zbuluar përmes marrjes së mostrave të ujërave të zeza dhe është gjurmuar në fillim të vitit 2021.
Ai po kapet në mënyrë të përsëritur përgjatë një zone prej 40 miljesh, duke sinjalizuar se një person e mban dhe e derdh atë përmes jashtëqitjes së tij.
Dr. Marc Johnson, një mikrobiolog në Universitetin e Misurit, paralajmëroi se mutacionet që ka lloji do të ishin mjaft serioze për ta bërë atë një ‘variant shqetësues’ nëse do të fillonte të qarkullonte në popullatë.
Shkencëtari nuk është i sigurt nëse personi është ngjitës ose se si ka arritur të qëndrojë i infektuar kaq gjatë.
Pacientët që mbajnë viruse për periudha jashtëzakonisht të gjata kohore, shpesh kanë sistem imunitar të dobësuar, që do të thotë se trupi i tyre lufton për të pastruar virusin. Shumë shkencëtarë besojnë se variantet Alfa, Delta dhe Omicron dolën të gjitha në këtë mënyrë.
Dr Johnson, megjithatë, është i bindur se pacienti është i shëndetshëm dhe mund të udhëtojë për punë ose shkollë, por ai nuk mund të përjashtonte një person të sëmurë kronik që udhëton për kujdes spitalor. Ekipi i tij nuk mund të thotë me siguri se është vetëm një pacient.
© SYRI.net
Mushkonjat kërcënojnë Europën, dhjetëfishohen rastet e etheve të Dengës
A është joga lakuriq në listën tënde? Tani është koha për ta provuar
Çfarë duhet të hani për mëngjes, 5 zakone të mira për të qëndruar në formë?
Denonco
Merrni lajmet më të fundit nga SYRI.net në çdo moment dhe kudo që të jeni!
