Këto janë vlerat ushqyese dhe vitaminat që ofron një gotë lëng karrote

16:23, 17/01/2022

Nëse në regjimin tuaj ushqimor nuk duhet të mungojë një perime, ajo është karrota. Vlerat e saj ushqyese e vitaminat e bëjnë një ushqim shumë të shëndetshëm për sytë, lëkurën, dhëmbët e aparatin tretës.

Nëse ndodh rrallë që karrotën ta hani, sigurohuni që vlerat e saj ushqyese t’i merrni përmes lëngut të saj.

E pasur me vitaminë A

Vetëm një gotë lëng karrote në ditë mund të sigurojë 100% kërkesën e trupit për vitamin A.

Kjo vitamin është e mirë për sytë e përveç kësaj, vitamina A është e nevojshme për zhvillimin e indeve, veçanërisht ato në kockat tuaja.

Vitamina C

Lëngu karrotës është gjithashtu i pasur me vitaminë C. Pirja e një gote lëng karrote mund të plotësojë 35% të nevojave tuaja për këtë vitamin.

Vitamina C ndihmon në prodhimin e kolagjenit në lëkurë, forcon dhëmbët dhe eshtrat dhe duke qenë se është një antioksidant shumë i fuqishëm ndihmon në eleminimin e toksinave.

Kalium

Lëngu i karrotës përmban kalium, i cili është një mineral i rëndësishëm që ruan balancin e elektroliteve dhe lëngjeve të trupit.

Një gotë lëng karrote na siguron 10% të sasisë së përditshme të kaliumit. Mungesa e kaliumit në trup rrit rrezikun e sëmundjeve të veshkave.

 

© SYRI.net

Lexo edhe:

• Çfarë duhet të hani për mëngjes, 5 zakone të mira për të qëndruar në formë?
• Njollat e bardha në lëkurë, shenjë e mungesës së vitaminave në organizëm! Shkaqet e shfaqjes dhe produktet që duhet të konsumoni
• Në Mbretërinë e Bashkuar kryhet testimi i parë në botë i ilaçit kundër kancerit të lëkurës