Kombëtarja shqiptare ka pësuar një goditje të shpejtë në miqësoren ndaj Luksemburgut, me miqtë që kanë kaluar në avantazh që në minutat e para të takimit që po zhvillohet në stadiumin “Air Albania”.
Pas humbjes 1-0 ndaj Izraelit disa ditë më parë, kuqezinjtë synonin reagimin dhe fitoren e parë nën drejtimin e trajnerit Rolando Maran, por ndeshja ka nisur në mënyrën më të keqe të mundshme.
Në minutën e 8-të, Luksemburgu gjeti rrugën e rrjetës falë Sinanit.
Aksioni nisi nga Dardari, i cili kaloi me lehtësi mbrojtjen shqiptare në krahun e majtë dhe më pas shërbeu në qendër, aty ku Sinani nuk gaboi përballë portës, duke dërguar topin në rrjetë për 0-1.
https://streamin.link/v/c4a5b8bd
Shqipëria kishte dhënë sinjale pozitive në minutat e para, teksa në minutën e katërt Qazim Laçi provoi me një goditje nga distanca që kaloi shumë pranë shtyllës.
Pak çaste më vonë, Bajrami krijoi një tjetër rast të mirë, por pasimi i tij në zonë nuk u shfrytëzua si duhet.
Pas golit të pësuar, kuqezinjtë po përpiqen të reagojnë, ndërsa trajneri Maran pret një përgjigje nga skuadra e tij për të shmangur një tjetër rezultat zhgënjyes në këtë periudhë miqësoresh.
© SYRI.net
REKORDI/ Elseid Hysaj shkruan historinë… 100 ndeshje me fanelën e Kombëtares
VIDEO/ Plas grushti në miqësoren e Portugalisë, Rafael Leao del me karton të kuq që në pjesën e parë
FIFA tërhiqet pas protestës së tifozëve, anulon vendimin për rregullin në BotërorBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
