VIDEO/ E bujshme: Xherdan Shaqiri rikthehet në FC Basel

Transferimi i bujshëm është përfundimtar: ish-ylli i kombëtares zvicerane Xherdan Shaqiri (32 vjeçar) po transferohet në FC Basel me efekt të menjëhershëm

Verën e vitit 2012, Xherdan Shaqiri u largua nga FC Basel për Bayern Munich. Atje ai fitoi Ligën e Kampionëve, dhe më vonë kaloi në Milano tek Inter. Nëpërmjet Stoke City, “Shaq” shkoi në Liverpool, ku fitoi sërish trofeun evropian. Shaqiri u transferua në Çikago nëpërmjet Olympique Lyon.

Tani turneu i tij botëror ka marrë fund: ish-ylli i kombëtares po i bashkohet FC Basel me efekt të menjëhershëm, shkruan Blick, transmeton albinfo.ch.

Vetëm të mërkurën u bë e ditur se Xherdan Shaqiri po e ndërpret kontratën në Çikago me efekt të menjëhershëm. Të premten, FC Basel njoftoi se ish-ylli i kombëtares po kthehej në shtëpi. “Shaq” nënshkroi një kontratë trevjeçare me klubin e tij të dashur deri në verën e vitit 2027.

“Më mbush me krenari dhe jam shumë i lumtur që sot mund të kthehem në vendlindjen time në FCB. Kam pasur një lidhje të thellë me klubin dhe rajonin që nga fëmijëria. Si tifoz dhe sigurisht si lojtar”, tha Shaqiri në një deklaratë për shtyp të premten.

© SYRI.net

Lexo edhe:

• Kritikat kundër Ronaldos, edhe trajneri i Portugalisë i del në mbrojtje: Në një ndeshje ku duhen gola…
• Curaçao shkruan historinë në Botërorin 2026, ndal Ekuadorin falë mrekullive të portierit Room
• VIDEO/ Shpërthejnë golat në pjesën e dytë, si ndryshon rezultati në Holandë-Suedi