Gerardo Martino i qetëson të gjithë për Leo Messin, i dëmtuar gjatë finales së Copa America 2024 në Shtetet e Bashkuara, kur kampioni u detyrua të largohej nga fusha i përlotur.
Fotoja e kyçit të këmbës të fryrë bëri shpejt xhiron e botës. Gjithsesi, shokët e skuadrës në atë ndeshje bënë gjithçka që ai të festonte trofeun e lakmuar.
Trajneri i Inter Miami, në konferencën e fundit për shtypin, deklaroi: “Leo është mirë, është ende në palestër. Është në formë gjithnjë e më të mirë, respekton kohët e rikuperimit që prisnim”.
Sa kohë do t’i duhet Messit për t’u rikthyer në fushë? Sipas TycSports, fillimisht, edhe pse askush nuk e kishte konfirmuar kohën kur u njoftua shkalla e lëndimit të Messit, ai pritej të ishte jashtë fushës për katër deri në gjashtë javë.
Tani për tani, “Pleshti” ka qenë joaktiv për tri javë, kështu që asgjë nuk tregon se kjo periudhë duhet të zgjatet.
Messi nuk ka asnjë nxitim dhe vazhdon punën në palestër për të shëruar zonën e prekur. Lajmi i mirë është se si dhimbja ashtu edhe inflamacioni janë ulur, ndaj këpucët ortopedike dhe seancat e kinesiologjisë, të shoqëruara me pushim, kanë bërë punën e tyre.
© SYRI.net
Champions League/ Monaco-Barcelona, shikoni supergolin e Lamine Yamal 
Shqiptarja që gjykon ndeshjet e Champions League: Më kanë mërzitur mesazhet seksiste
Shkeljet financiare, Man.City rrezikon të përjashtohet nga të gjitha kompeticionetBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
