Gjermania është bërë skuadra e parë që kualifikohet në Botërorin 2022, pas Katarit që e fiton të drejtën si vendi organizator.
Skuadra e drejtuar nga Hansi Flik, edhe pse e nisi me një humbje tronditëse këtë edicion, e mbylli me triumf pa u luajtur dy ndeshjet e fundit të grupit.
Kualifikimi erdhi falë suksesit 4-0 ndaj Maqedonisë së Veriut, skuadrës që ia kishte shkaktuar atë humbje, me Havertz, Verner e të riun Musiala që tundën rrjetën.
Kështu, falë edhe fitores së Rumanisë ndaj Armenisë, Gjermania e kishte të sigurt që asnjë ekip tjetër nuk do ta arrinte me pikë në ndeshjet e nëntorit, pavarësisht kombinimit të rezultateve, duke u bërë ekipi i parë që siguroi pjesëmarrjen në Katar 2022.
Në ndeshjet e sotme bie në sy fitorja e thellë e Holandës, e cila i shkoi një hap më pranë kualifikimit, si dhe ajo e Turqisë e cila triumfoi vetëm në minutën e 98 ndaj Letonisë.
© SYRI.net
Bëje LIKE dhe merr lajmin e fundit nga Sporti: