Xhudistja kosovare, Erza Muminovic, sot ka arritur në gjysmëfinale të Kampionatit Botëror U21 të xhudos, që po mbahet në Olbia të Italisë.
Siç ka informuar Komiteti Olimpik i Kosovës, Erza ka fituar tri duele, ndërsa një tjetër e ka kaluar pa luftë, kategoria -52 kg.
Ekipi i xhudos së Kosovës po paraqitet me dy xhudiste në Kampionatin Botëror U21 të xhudos, Erza Muminovic (-52kg) dhe Fationa Kasapi (-57kg).
Në këtë Kampionat do të marrin pjesë 5 kontinente, 72 shtete, 495 garues, 285 meshkuj dhe 210 femra.
Fationa Kasapi do të ndeshet nesër dhe në ndeshjen e parë do të takohet me ukrainasen, Vladyslava Snitko.
© SYRI.net
Bëje LIKE dhe merr lajmin e fundit nga Sporti: