Një lajm i jashtëzakonisht i mirë vjen për Kombëtaren shqiptare nga KAS-i. FSHF bën me dije se Nedim Bajrami ka marrë konfirmimin për të luajtur më kuqezinjtë.
Mesfushori i cili aktivizohet te Empoli në Serinë A, pritet të luajë që në ndeshjen me Poloninë e cila do të zhvillohet ditën e enjte.
Futbollisti do të thirret direkt nga trajneri Reja, teksa gjasat janë të mëdha që Bajramin të debutojë me fanellën kuqezi në sfidën ndaj kombëtares polake.
Njoftimi i FSHF-s:
Nedim Bajrami është tashmë zyrtarisht pjesë e Kombëtares shqiptare. Federata Shqiptare e Futbollit prej disa muajsh kishte nisur procedurat për të bërë të mundur aktivizimin e Bajramit me Shqipërinë por pas refuzimit të parë nga organet ndërkombëtare, Drejtoria Juridike e FSHF ju drejtua Gjykatës Ndërkombëtare të Arbitrazhit Sportiv në Lozanë.
Pas përgatitjes së dosjes voluminoze, me të gjithë dokumentacionin e duhur, konsultimit me ekspertët më të mirë të drejtësisë dhe shumë orëve punë, Federata Shqiptare e Futbollit arriti të triumfojë në CAS duke arritur të sigurojë shërbimet një lojtari që do ta ndihmojë shumë skuadrën tonë Kombëtare sicc është shprehur edhe trajneri Edoardo Reja.
Gjyqi i dytë ndërkombëtar që fiton Federata Shqiptare e Futbollit, kjo padiskutim një arritje shumë e rëndësishme për institucionin e futbollit në vend, që tregon se duke përgatitur procese të rregullta dhe punuar në mënyrë serioze, drejtësia triumfon, ashtu siҫ ishte rasti i gjyqit ndërkombëtar për ndeshjen Serbi-Shqipëri.
FSHF i uron mirë se ardhjen Nedim Bajramit dhe i uron suksese të mëdha me fanellën e shenjtë kuqezi.
© SYRI.net
Luis Figo: Portugalia është mes gjashtë favoritëve për të fituar Europianin
EURO 2024/ Publikohen formacionet e sfidës Serbi-Angli
UEFA 'dënon' spektaklit e tifozëve shqiptar në Dortmund, nis procedimi disiplinor kundër kuqezinjveBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
