'Dhuna ndaj protestës paqësore është fundi i çdo demokracie', Qarri: Shteti që s’ka ujë për qytetarët, gjen gaz për t’i shtypur!

Gazetari Flavio Qarrri në një prononcim në rrjetet sociale shkruan se reagimi i Ramës ndaj protestës së qytetarëve nuk është as befasues dhe as i rastësishëm, por pjesë e një modeli të përsëritur arrogance dhe dhune shtetërore ndaj kujtdo që guxon të kundërshtojë pushtetin.

Sipas tij, është hipokrizi e pastër të flitet për respekt ndaj pronës, ligjit apo demokracisë nga një qeveri që prej vitesh ka grabitur çdo cep të Shqipërisë për interesa klienteliste dhe për shokë e shoqe të lidhur me pushtetin.

Qarrri thekson se reagimi brutal i forcave të rendit, përfshirë përdorimin e gazit lotësjellës të skaduar, përbën një akt të rëndë kundër qytetarëve paqësorë dhe një shkelje flagrante të të drejtave të njeriut. Ai kujton se raste të tilla janë dokumentuar më parë në vende si Venezuela dhe Irani, ku përdorimi i mjeteve të ndaluara ose të skaduara kundër protestuesve është konsideruar krim me pasoja serioze për shëndetin publik.

Sipas gazetarit, goditja direkte ndaj kreut të opozitës dhe më pas ndaj qytetarëve që tentonin t’i afrohen Parlamentit tregon frikën e pushtetit nga zëri i lirë dhe nga protesta.

Ndërkohë, heshtja ose justifikimi nga militantë dhe përfaqësues të pushtetit, edhe kur qytetarët nuk kanë ujë në shtëpi, spitale funksionale apo shkolla dinjitoze, është një formë skllavërie moderne që po ushqehet çdo ditë.

“Në një vend ku qytetarët kërkojnë vetëm shërbime bazë dhe pak demokraci, dhuna shtetërore nuk është forcë, por dëshmi e dështimit”, shkruan Qarrri, duke shtuar se asnjë pushtet nuk mund të mbijetojë gjatë duke shtypur qytetarët e vet me gaz, frikë dhe propagandë.

Postimi i plotë: 

Qesha shumë me reagimin e Ramës.

Sidomos kur ne e dimë se sa respekt ka për pronën e shqiptarëve ky që nuk ka lënë më cep pa grabitur për shokët e shoqet e veta.

Sidomos kur ne e dimë se për kë angazhohen rrugaçët e lagjeve që kanë 10 vjet që punojnë për të pasi iu futën kanabisit, parkingjeve, tabakinove dhe basteve ilegale në të gjithë ish llotot, e disa i futi direkt në polici.

Por nuk ka asgjë për të qeshur me gazin lotësjellës të skaduar. Filloi duke goditur direkt kreun e opozitës e më pas këdo që donte të vijonte te Parlamenti. Nga Venezuela e Irani dimë si fakt shkencor që gazi i skaduar është krim ndaj njerëzimit me pasoja të rënda.

Pale qyrret e të pushtetit që mund ta dashurojnë Ramën pa kufi por të paktën të heshtin kur bën krime lufte ndaj qytetarëve që protestojnë. Spitale e shkolla e pak demokraci po kërkojmë të gjithë në këtë vend.

Si e mbroni kur nuk keni as ujë nëpër shtëpia, të fortë fare jeni. Ç’lloj skllavërie është more?

© SYRI.net

Lexo edhe:

• I riu protestues: Jam lind e rrit në Itali, po iku Rama, unë do kthehem të jetoj në Shqipëri
• Projekti në Zvërnec, Blushi: Mbështesim protestat, pasuritë e vendit nuk janë pronë private
• Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj