Berisha: Protesta e dhjetorit pati jehonë botërore dhe ekspozoi mbrojtjen e korrupsionit në krye të qeverisë

Berisha theksoi se protesta e dhjetorit ka pasur një jehonë ndërkombëtare të jashtëzakonshme. Kreu i PD theksoi se pavarësisht se një qeveri që buron nga zgjedhjet e lira nuk mund të rrëzohet, një qeveri që është e paligjshme për shkak të farsës zgjedhore dhe korrupsionit, nuk meriton të qëndrojë asnjë ditë në pushtet.

Lideri opozitar shpjegoi se duke pasur parasysh akuzat e shumta për korrupsion dhe keqpërdorim të pasurisë publike, qytetarët kanë çdo të drejtë të kërkojnë largimin e Edi Ramës dhe të qeverisë së tij, përmes një kryengritje paqësore. 

Deklarata e plotë për media:

Ju them unë ju, protesta e dhjetorit ka patur një jehonë boterorë të paimagjinueshme. Cilat ishin lajmet? Lajmet ishin: në zyrën e Edi Ramës shishe molotov, sepse mbron Lubi Ballukun.

Demokrate e demokratë, ju njerëz politikë, një qeveri që del nga zgjedhjet e lira nuk sulmohet. Ai që vlerëson votën, ai që vlerëson parimet themelore të demokracisë, nuk mendon se mund të rrëzojë një qeveri që buron nga vullneti i qytetarëve. Por një qeveri që buron nga farsë zgjedhore e dokumentuar, nuk meriton të qendrojë asnjë ditë në pushtet, se është e paligjshme. Në Valencia, një javë para zgjedhjeve, PPE denoncoi pa u zhvilluar zgjedhjet e 11 majit, si farsë elektorale. Denoncoi çdo akt që Edi Rama kreu pa zhvilluar zgjedhjet për t’i zhvilluar zgjedhjet në farsë.

Kështu që, ne kemi çdo të drejtë që me një kryengritje të fuqishme paqësore ta largojmë Edi Ramën nga pushteti. Kemi çdo të drejtë.

Thashë, lajmet botërore, në zyrën e Edi Ramës, hidhen shishe molotov sepse mbron të korruptuarën zv.kryeministren. ai në fakt mbron veten e tij.

Së dyti, nuk cënohet kurrë të rrëzohet një qeveri që del nga zgjedhje të lira. Por edhe një qeveri që del nga zgjedhje të lira, nqs i vjedh qytetarët e vet e humbet legjitimitetin.

Pra, aktet që ka kryer Lubi Balluku, Edi Rama dhe minsitrat e tyre ndaj jush, ndaj taksave, parave tuaja, ua shumëzojnë me zero legjitimetin. Nuk ka legjitimitet një qeveri që vjedh qytetarët.

Jeni dëshmitarë në 33 vite, nuk ka ndodhur kurrë, përveçse me Edi Ramën që prokurori të kërkojë t’i heqi imunitetin ministrin, gjyqtarit, apo kujtdo dhe këtë ta bllokjë qeveria. Kurrë!

Që këtu merr fund ndarja e pushteteve.

© SYRI.net

Lexo edhe:

• I riu protestues: Jam lind e rrit në Itali, po iku Rama, unë do kthehem të jetoj në Shqipëri
• Projekti në Zvërnec, Blushi: Mbështesim protestat, pasuritë e vendit nuk janë pronë private
• Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj