SYRI TV/ Kukës - Izolohen prej 11 ditësh 4 familje, dëmtohet tubacioni i ujërave të pijshëm

SYRI TV

Banorët e disa fshatrave në Kukës kanë mbetur të izoluar për shkak të rrëshqitjeve të tokës. Ndërhyrja aktualisht është e  pamundur, për shkak të paqëndrueshmërisë së tokës në këtë zonë. Në vendin e quajtur Gryka e Vanave është dëmtuar tubacioni i ujit të pijshëm.

Prej 11 ditësh, banorët e fshatrave Oreshkë, Cernalevë dhe Borje në Kukës janë të bllokuar. në Cernalevë, 4  familje kanë mbetur të izoluara pas rrëshqitjeve të tokës. Sipas banorëve, shembjet kanë ardhur si pasojë e grumbullimit të ujit në faqen e malit, në zonën ku kalojnë tubacionet e një hidrocentrali.

Si pasojë e shembjeve janë dëmtuar dy banesa dhe stalla bagëtish, ndërsa rrëshqitja vijon të jetë aktive, duke rritur rrezikun për banorët teksa ndërhyrja është e pamundur për shkak të terrenit të

Në vendin e quajtur Gryka e Vanave, rritja e prurjeve ka shkaktuar gërryerjen e brigjeve anësore të lumit, duke nxjerrë në sipërfaqe tubacionin kryesor të ujësjellësit që furnizon qytetin e Kukësit me ujë të pijshëm.

Tubacioni është i ekspozuar ndaj goditjeve të gurëve ku si pasojë është krijuar  një çarje, deri më tani nuk ka pasur asnjë verifikim apo ndërhyrje nga ana e Ujësjellësit të Kukësit.

© SYRI.net

Lexo edhe:

• I riu protestues: Jam lind e rrit në Itali, po iku Rama, unë do kthehem të jetoj në Shqipëri
• Projekti në Zvërnec, Blushi: Mbështesim protestat, pasuritë e vendit nuk janë pronë private
• Rrahja në sallën e gjyqit, komisioni propozon futjen në ‘41 Bis’ të vëllezërve Bushgjokaj