Pamjet ekskluzive të siguruara nga SYRI hedhin dritë mbi momentet e atentatit të ndodhur mbrëmjen e së dielës, 30 nëntor 2025, ku u ekzekutua biznesmeni i njohur elbasanas Mondi Mëhalla, 43 vjeç.
Në fotografinë e siguruar shihet një nga autorët, tërësisht i maskuar, teksa drejton armën drejt viktimës në çastet vendimtare të ngjarjes. Figura e autorit është e mbuluar, ndërsa qëndrimi dhe drejtimi i armës tregojnë se atentati është kryer me qetësi dhe saktësi të lartë.
Pak orë më parë policia ka arrestuar ish ortakun e Mëhallës në biznesin taksi (“EL-TAXI”), Xhino Ago pasi 'nga veprimet hetimore rezultoi se automjeti i përdorur nga autorët është në pronësi të shtetasit Xhino Agos, i cili ia ka dhënë me hua për përdorje shtetasit Marselo Arani'.
“Gjithashtu, gjatë operacionit të koduar ‘Strike” u zbardh mekanizmi i ngjarjes, i dokumentuar edhe me disa pamje filmike" thuhet në njoftimin e policisë ku nuk zbulohet motivi i këtij krimi.
Sipas hetimeve të para, autorët kanë ndjekur me kujdes lëvizjet e biznesmenit. Pasi janë bindur se momenti ishte i përshtatshëm, kanë hapur zjarr ndaj tij duke e lënë të vdekur me dy plumba në kokë, ndërsa Mëhalla sapo kishte dalë nga pika e karburantit të tij “Xhaxhi Oil” dhe po përgatitej të largohej me automjetin “Range Rover”.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
‘Kam bërë 3 mijë kilometra që të vij këtu’, protestuesit nuk i heqin çadrat dhe përplasen me policinë
I riu protestues: Jam lind e rrit në Itali, po iku Rama, unë do kthehem të jetoj në Shqipëri
Projekti në Zvërnec, Blushi: Mbështesim protestat, pasuritë e vendit nuk janë pronë private