Gjyqtarja Irena Gjoka ka shtyrë duke zvarritur sërish procesin gjyqësor për revokimin e masës së sigurisë “arrest shtëpie” për liderin e opozitës Sali Berisha. Pas seancës, avokatët kanë akuzuar gjyqtaren se po përdoret politikisht dhe ka për qëllim djegien e mandatit të z. Berisha. Avokati Genc Gjokutaj, deklaroi se pas kësaj farse gjyqësore qëndron kryeministri Edi Rama, i cili duhet të pyetet për dirigjimin e këtij procesi politik.
Syri tv
Një tjetër zvarritje e paprecedentë është shënuar nga gjyqtarja Irena Gjoka për shqyrtimin e kërkesës për revokimin e masës së sigurisë “arrest shtëpie” ndaj liderit të opozitës Sali Berisha. Pasi e shtyu me një javë, me argumentin se ishte në një tjetër proces gjyqësor, sot gjyqtarja Irena Gjoka, ka gjetur një artific procedurale, duke mos pranuar prokurën për përfaqësimin e avokatëve të zotit Berisha në këtë seancë gjyqësore, edhe pse avokatët kishin prokurën e posaçme, siç janë po të njëjtit avokatë që prej nisjes së përballjeve në këtë gjykatë. Pas shtyrjes, avokati Genc Gjokutaj ka akuzuar drejtpërsëdrejti gjyqtaren Gjoka për zvarritje e sipas tij ka për qëllim djegien e mandatit të liderit të opozitës Sali Berisha.
Avokati Genc Gjokutaj ripërsëriti edhe njëherë pikëpyetjet që ngrihen mbi figurën e gjyqtares Irena Gjoka, e cila është në konflikt interesi, ndërsa paralajmëroi se në vijim do të ketë edhe fakte të tjera në lidhje me përdorjen dhe figurën e gjyqtares Gjoka.
Duke akuzuar për një proces politik dhe të dirigjuar nga kryeministri Edi Rama, avokati Genc Gjokutaj, u sugjeroi gazetarëve që nëse duan informacione se si do të jetë fati i këtij procesi të pyesin kryeministrin.
Seanca e radhës u vendos për në datën 8 mars ora 9: 00. Më herët avokatët mbrojtës i kanë kërkuar gjyqtares që të sqarojë opinionin publik nëse është shkarkuar nga KLD e drejtuar nga Berisha në vitin 1996, çka e vendos atë në kushtet e konfliktit të interesit. Por ndërsa janë publikuar dokumentet e këtij shkarkimi, gjyqtarja Irena Gjoka nuk ka pranuar tërheqjen nga procesi. Së fundmi një tjetër detaj është publikuar për figurën e gjyqtares, pasi ajo është pyetur nëse është dëbuar nga Greqia, veprim ky që e bën figurën e saj të papërshtatshme për sistemin e drejtësisë, pasi një fakt I till I është mbajtur I fshehur edhe organeve të Vetingut.
© SYRI.net
Vizita në Prokurorinë e Tiranës/ Meta: Thelbi i ‘Ramformës’ për të kapur të gjithë sistemin e drejtësisë
VIDEO/ Berisha: Shpresa e vetme e Shqipërisë është kalimi në fazën e re të betejës çdo ditë, çdo natë, gjer në fitoren përfundimtare
Berisha: Skrapi i partisë ka në dosje dy shkresa të saj për Erion Veliajn, por vepron si mercenar
Denonco
Merrni lajmet më të fundit nga SYRI.net në çdo moment dhe kudo që të jeni!
