Një 55-vjeçar ka humbur jetën duke punuar. Ngjarja ka ndodhur në Skrapar. Policia njoftoi se Arben Piro po punonte kur u aksidentua në vendin e punës, një firmë mermeri. Plagët ishin të rënda dhe ai nuk mbijetoi dot.
Për pasojë, Policia e Skraparit thotë se ka vënë në pranga dy persona për shkelje të rregullave në punë. Jordan Maçolli ishte me detyrë përgjegjës teknik, ndërsa Karail Sterjo ishte përgjegjës sektori. Ky i fundit është një qytetar nga Greqia, por që punonte për firmën në Skrapar.
“Specialistët e Seksionit për Hetimin e Krimeve ndaj Personit dhe Pasurisë arrestuan në flagrancë për veprën penale “Shkelja e rregullave të mbrojtjes në punë”, shtetasit J.M., 68 vjeç, banues në Tiranë, me detyrë përgjegjës teknik, pranë një firmë përpunimi mermeri, në vendin e quajtur Qafa e Devrisë, Skrapar dhe K.S., 50 vjeç, banues në Greqi, me detyrë përgjegjës sektori, në të njëjtën firmë”, njoftoi policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
© SYRI.net
Bylykbashi 'parashikon' fundin e Dumanit: SPAK do degradojë, ndërhyn korrupsioni
VIDEO/ Bardhi: Lulzim Basha kishte gjithmonë vetëm një skenar, atë që i pëlqente atij
Bardhi: Nuk kam lejuar që punonjës të OSHEE të ishin komisionerë me vulë të PD-së, t’i merrte Edi Rama
Denonco
Merrni lajmet më të fundit nga SYRI.net në çdo moment dhe kudo që të jeni!
