“Show për protagonizëm”, e ka cilësuar ish-ministri i Jashtëm, Besnik Mustafaj vizitën e kryeministrit Edi Rama në Ukrainë.
I ftuar në ABC, Mustafaj tha se Shqipëria dhe Mali I Zi nuk kanë ndonjë rol në fatin e luftës, prandaj edhe vizita është thjesht për protagonizëm.
Duke analizuar fjalimin e kreut të qeverisë shqiptare në konferencën e përbashkët me presidentin Zelensky, ish-ministri thotë se Rama nuk përmendi Rusinë.
“Show, nuk ka rol Shqipëria dhe Mali i Zi në fatin e luftës. Ka të bëjë me protagonizmin. E para, deri tani Rama nuk përmend fare Rusinë. I qan hallin Ukrainës, por nuk shpreh dënim për Rusinë. E dyta, deri tani ka folur trefishin e kohës së Zelenskyt”, tha Mustafaj.
Lidhur me thirrjen e kryeministrit Rama që shtetet nuk duhet t’i bëjë presion Serbisë për sanksione ndaj Rusisë se kjo dëmton rëndë ekonominë e vendit për shkak të lidhjeve historike, Mustafaj thotë: "Është një thirrje pa dobi se nuk e dëgjon njeri. Por fakti që vjen nga kryeministri i Shqipërisë i bën mirë Vuçiçit, por dëm shqiptarëve”.
Sakaq, ish-ministri shton më tej se deklaratat e Ramës në samitin e “Ballkanit të Hapur” ishin kundër interesit të shqiptarëve.
“Spekulimi i Ramës në Open Balkan ishte kundër interesit të shqiptarëve, pa një kërkim ndjese nga serbët nuk mund të vazhdohet”, u shpreh Mustafaj.
© SYRI.net
Shpërthim i fortë në Tiranë
ÇIM PEKA LIVE/ Beleri eurodeputet i burgosurLIVE/ Qytetarët tubim në mbështetje të liderit të opozitës Sali Berisha
Denonco
Merrni lajmet më të fundit nga SYRI.net në çdo moment dhe kudo që të jeni!
