Kandidati për kryeministër nga radhët e Lëvizjes Vetëvendosje, Albin Kurti, ka premtuar eliminimin e varfërisë ekstreme në Kosovë, përgjatë kohës së qeverisjes së tij, shkruan Syri.net Kosova.
Kurti, me anë të një postimi në Twitter, ka thënë se skemat sociale të qeverisjes së tij, ndër të tjera, do eliminojnë edhe korrupsionin.
“Përafërsisht 100,000 qytetarë të Kosovës jetojnë me më pak se 1 € në ditë, që është rezultat i drejtpërdrejtë i korrupsionit dhe keqmenaxhimit”, ka shkruar ai në llogarinë e tij në Twitter.
“Qeverisja jonë e mirë dhe skemat tona sociale do të zhdukin varfërinë ekstreme, do të luftojnë korrupsionin dhe do të rikthejnë ndjenjën e drejtësisë në shoqërinë tonë”, thuhet tutje në postimin e kreut të VV-së.
Kurti ka thënë se në qeverisjen e tij, prioritet do t’i jepet mirëqenies ekonomike, luftimit të korrupsionit dhe fushes së drejtësisë.
Approximately 100,000 citizens of Kosova live with less than 1€ per day, a direct result of corruption and mismanagement.
— Albin Kurti (@albinkurti) February 22, 2021
Our good governance and social schemes will eradicate extreme poverty, fight corruption and restore a sense of justice in our society.
© SYRI.net