Me shumë kujdes e pa asnjë moment surprise po e vështroj ekzekutimin hap pas hapi të skenarit kundër Presidentës.
E pritur, dhe një “film që është parë disa herë”. Presidentja është viktima e radhës e Albin Kurtit por skenari duhet të jetë i atillë që asesi dora e tij të mos shihet. Kësaj radhe nuk e besoj që kjo është e mundur! Kurti do bëjë luftën kundër çdokuj që mbanë gjallë qoftë edhe një simbol të Ibrahim Rugovës. Urrejtësi i fjalës së lirë dhe i mendimit të djathtë politik e ka të sigurt dështimin.
Kurtit i duhet të shkojë në zgjedhje tani me urgjencë, por duke u viktimizuar në krahun e presidentës për t’ju shmangur presionit ndërkombëtarë të konfirmuar prap nëpërmjet letrës që ka marrë nga BE+ SHBA para disa ditëve për zbatimin e marrëveshjeve që ka pranuar Kurti në Bruksel dhe Ohër. Kjo shkuarje në zgjedhje duhet te këtë një arësye që nuk do të asocionte Kurtin si humbës dhe rrjedhimisht topi e zjarri duhet të dalë në fushën e dikujt tjetër. Kujt tjetër përpos Presidentës. Të tjerët nuk i ka në lojë më!
Derisa Kosova po vlon për të kuptuar kush e lëshoi nga rrethimi kryeterroristin Radojçic me 30, 40, apo 90 cubat që si në dasëm të ecnin malit të Kosovës, Kurti me skuadrilen e tij të nëntokës së klanit të quazi shërbimit sekret kanë përgaditur përplasjen e Presidentës me sistemin e drejtësisë.
Kërcnimet, për të cilat u deklarua Presidentja sot janë gabim, nga kushdo që janë bërë, askush nuk duhet të kërcnoj e shantazhoj Presidentën, kushtetuta e përcakton përgjegjësinë por problemi është më i thellë, kush i ka përgaditur, kujt i shkojnë në llogari dhe se si Kurti do ta merrë në mbrojtje Vjosa Osmanin kundrejt së cilës po rritet paranoja e bashkëpunimit me ndërkombëtarët pas shpinës së Kurtit.
Për habinë e atyre që nuk kanë durimin dhe analizën e duhur edhe pas rënies eventuale Vjosa Osmani do të përfshihet në listën e VV dhe pas zgjedhjeve ku Kurti pretendon të dalë më i votuari në vend dhe deri atëherë milicia e facebook bashkë me dhomën e errët të propagandës të udhëhequr nga neo Nexhmije Hoxha do të provojë të manipulojë tribunat e Air Albania dhe ndonjë stadiumi tjetër që pas këngës për Adem Jasharit, të thërrasin emrin e Enver Hoxhës, me falni Albin Kurtit.
Triumfalizmi i Kurtit mbështetet në strategjinë e Ramës për ta amortizuar opozitën dhe duke e shkatrruar me akuza të rrejshme, këdo që mund të paraqitet si pengues në realizimin e qëllimeve egocentrike e narcisiode politike të personit Albin Kurti. Për ekipe moti nuk bëhet fjalë. Ekipi është armiku kryesor i Kurtit. Dështimi pa ekip është pasqyra e qeverisjes për tre vite!
Presidentja mund të vazhdojë betejën me sistemin e drejtësisë, këtë e do Kurti. Ajo nuk ka shumë zgjidhje tani kur ajo ka shumë pak përkrahës mbrenda skenës politike sepse kishte qëndruar e heshtur kur Kurti masakronte njerëzit më të afërt duke përdorur metodat me të ulëta. Pas zgjedhjeve Kurti do ta përdorë formën e njejtë dhe thikën e vrasjes së Hoxhës për Mehmeti Shehun por gjaku nuk do të shihet sepse të verbërit e naivët do ta sulmojnë Presidentën pa mëshirshëm saqë gjak nuk do të mbetet në skenën e krimit politik.
Vizita e senatorëve amerikan dhe kërkesat e tyre e kanë vendosur Kurtin në planin e urgjencës. Amerikanët e duan suksesin e shtetit të Kosovës me çdo kusht, ndërsa Kurti me shpatën e tij të përgjakur, mbi varre dhe me lule nga Holanda po ëndërron vendin e Ramës dhe atë nga manipulimi i Çairit deri tek pështyrja e Bilallit e zhvatja për qëllime politike edhe të familjes së Adem Jasharit.
© SYRI.net