Nga Njazi Halili - 11:49, 29/04/2021
Ka perënduar Dielli, Kosova është shtet i Pavarura dhe i pranuar nderkombëtarisht nga shtetet më të fuqishme të Botës, andaj mjaftë me sjelljet e BE-së me dike nënë e me dike njërkë!
Kryeministri i Kosovës, Albin Kurti, ka thënë para mediave në Bruksel se nuk do të marrë pjesë në takimin 11 majit në kuadër të dialogut Kosovë-Serbi, të paralajmëruar nga Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell.
“Unë nuk mund të marr pjesë në takim për të cilin nuk e kam konfirmuar paraprakisht pjesëmarrjen, ajo që mund të ju konfirmoj është që do të vijë në Bruksel për një drekë ose darkë pune të organizuar nga Komisionari Borrell, nga mesi i muajit maj, ku do të bëjnë pjesë liderët e Ballkanit Perëndimor”, ka thënë Kurti.
Është krejt normale që Kryeministri Kurti të ketë refuzuar takimin në Bruksel, me 11 Maj me Përfaqësuesin e Lartë te Bashkimit Evropian për Politikë të Jashtme dhe Siguri, Josep Borrell, pasi që nuk ka një ftesë zyrtare, krejt kjo jep të kuptoj se nuk është përfillur rruga protokollare e diplomatike në nivel të takimit të dy burrë shtetesh te nivelit te njëjte, Kurti-Vuçiq, andaj me plotë të drejte refuzimi i takimit të 11 majit nga ana e kryeministrit z.Kurti është i drejtë e parimor, janë mësuar zyrtaret e BE-së të sillen me institucionet tona, gjoja se ne jemi një shtet i brishtë dhe lehtë mund të manipulohemi, por një gjë e tillë tani nuk pi ujë në krye me zotin Kurti i cili nuk lejon në as një mënyrë, të ketë mospërfillje.
Me ketë rast refuzimi i pjesëmarrjes te z.Kurti do te ju shërben si vërejtje BE, që në të ardhmën të kenë kujdesë rreth agjendës, sepse këto lëshime dëmtojnë rend procesin e dialogut të stërzgjatur, për shkak të mos respektimit të reciprocitetit të palëve në dialog, dhe përfaqësueseve të BE-se.
Bashkimi Evropian edhe sa kohë duhet të sillet me avazin e vjetër, me dike nënë e me dikë njërkë?
Tani ka perënduar dielli me luajtur me fatin e shqiptarëve jemi shtet i pranuar ndërkombëtarishit, nga shtetet me të fuqishme të botës dhe mbështesë të politikave ndërkombëtare me partnerët me të fuqishëm strategjik në krye me Shtetet e Bashkuara të Amerikës, gjithnjë interes të ruajtës se paqes e stabilitetit ndërkombëtar.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
