Nga Naza Krasniqi - 11:26, 19/03/2021
Krijimi i institucioneve është më shumë përgjegjësi e subjektit që ka fituar, por nuk e përjashton edhe përgjegjësinë e subjekteve opozitare.
Përgjegjësia primare apo kryesore është e partisë, që ka fituar zgjedhjet, e cila së pari duhet të gjejë metoda dhe forma më të mira për bashkëpunim të mirëfilltë, e jo si po ndodh tani në Kosovë nga disa individë të VV-së bashkë me ftesën theksojnë: o votoni kandidaten për presidente o ne shkojmë në zgjedhje, duke llogaritur se ne rast të zgjedhjetve të tjera VV –ja do të dalë diku rreth 80%, si dhe me ofendime nëpër rrjete sociale karshi partive opozitare apo partite, që në zgjedhjet e 14 shkurtit pësuan humbje.
Kurti dhe Osmani duhet të distancohen nga këto thirje, dhe të fillojnë me qasjen komunikues dhe konstruktive, duke respektuar edhe % e rezultateve që i kanë fituar partitë e tjera.
VV në zgjedhjet e 14 shkurtit 2021 fitoj bindshëm, diku 50.28% dhe si po doket bashkë me votat e komuniteteve joshumicë po arrin ta krijojë edhe qeverinë, pa votat e subjekteve tjera politike shqiptare.
Mirëpo problem po del zgjedhja e presidentit , ku për shkak të arrestimit të presidentit nga Gjykata Speciale, Kosova mbet me u.d të presidentit, Presidenti zgjedhet nga Kuvendi me votim të fshehtë.
Edhe pse ne nuk kemi zgjedhje presidenciale, në zgjedhjet parlamentare të 14 shkurtit nga subjektet politike gjatë fushatës zgjedhore u prezantuan edhe kandidatë për postin e presidentit, ku njëri/a prej kandidatëve ishte edh znj. Osmani për momentin u.d presidentit.
Osmani, e cila bashkë me listën VV fitoi dikund mbi 300 070 mijë vota dhe doli kandidatja më e votuar në vend. Mosarritja e bashkëpunimit të VV-së me parti tjera për votimin e presidentit më shumë është përgjegjësi e VV-së dhe listës Guxo, që gjatë fushatës zgjedhore e kanë promovuar kandidaten për presidente, se e subjekteve opozitare, të cilat kanë obligim kushtetues të jenë pjesë e seancave në krijimin e instutcioneve, të jenë konstruktive në interesat madhore të vendit, por gjithsesi kritikues aty ku ka vend dhe është e dmosdoshme. Por pas një deklarate të kryetarit të ri të LDK-së , nuk duam president partiak, shohim reagim ofendues prej më të ndryshmet nëpër rrjetet sociale, sidomos ndaj LDK.
LDK si parti institucionale duhet ta votojë, së pari që është interes i qytetarëve krijimi i institucioneve, të respektojnë vullnetin e qytetarëve dhe duke parë parasysh, që një numër i madh i votuesve të znj. Osmani kanë qenë votues e simpatizues të LDK-së, por, nëse e shikojmë në aspektin e lëvizjes së kandidatëve brenda partive, Znj.Osmani më së shumti i ka dëmtuar LDK-në, duke marrë pas vete afër 100 000 votues, dhe duke pasur parasysh që një pjesë e antarësisë së LDK-së bëri thiirrje, që Vjosa të kthehet brenda LDK-së edhe pas bashkimit me VV , LDK ka më së paku përgjegjësi për ta votuar znj. Osmani.
Por sikur LDK-ja, ashtu edhe partitë e tjera duhet të bëjnë të pamundshmen për zgjedhjen e presidentit dhe mos të lejojnë vendin të shkojë në zgjedhje tjera, të dëmtohen qytetarët dhe ta dërgojnë përgjegjësinë institucionale te VV-ja .
Bashkëpunimi dhe përgjegjësia janë dy procese të ndryshme dhe se duhet t’i kuptojmë, kush ka obligim për bashkëpunim dhe kush është përgjegjës për krijmin apo mos krijmin e institucioneve.
Por këto ditë si duket vetëm kanë filluar kalkulimet apo pretendimet që mundet të ketë kandidatë tjetër për president, dhe këto kalkulime po bëhen edhe më të përfocuara nga marrëveshja e nënshkruar nga Albin Kurti dhe u.d. së presidentes znj. Osmani.
Në asnjërën pikë të saj marrëveshje nuk përmendet çështja e presidentit. Prej 10 pikave të marrëveshjes Kurti nuk i ka premtuar znj. Osmani postin e presidents, që ajo po pretendon ta marrë, dhe as nuk përmendet fjala ‘President’. Në këtë marrveshje ishin pajtuar që të garojnë në një listë të përbashkët në zgjedhjet e 14 shkurtit. Andaj kjo marrëveshje nuk përmban dispozita garantuese dhe as nuk e specifikon dhënien e pozitës së presidentit, edhe pse në publik pas nënshkrimit të kësaj marrëveshje është interpretuar dhe publikuar nga vet palët si kandidate për presidente.
Prezantimi i i znj.Osmani si kandidate për presidente ishte vetëm para qytetarëve, dhe çdo mundësi mundet të ketë edhe tërheqje nga VV-ja, deri sa nuk ka asgjë të nënshkruar dhe mundet të ndodh të bëhen edhe kalkulime tjera, partitë opozitare munden të parashtrojnë kërkesat, se do ta votojmë, apo mundem me qenë pjesë e kuorumit për ndonjë kandidat tjetër, e jo znj. Osmani, por, nëse ndodh diçka e tillë do të ishte e pa pranueshme, të jetë dikush tjetër president, e jo kandidatja më i votuar në vend. Vullneti i shumicës së qytetarëve është mbi të gjitha
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
