Një aksident i rëndë ka ndodhur në Bradashesh të Elbasanit mëngjesin e sotëm dhe pamjet e dërguara nga qytetarët tregojnë përmasat e përplasjes. Dy persona janë plagosur, drejtuesja e njërit prej automjeteve dhe pasagjeri i makinës përballë.
Policia e Elbasanit dha disa detaje paraprake:
"Rreth orës 07:30, në aksin rrugor "Bradashesh-Elbasan", automjeti me drejtues shtetasin H. D. është përplasur me automjetin me drejtuese shtetasen E. H..
Nga përplasja është dëmtuar shtetasja E. H. dhe pasagjeri i automjetit që drejtohej nga H. D., të cilët janë transportuar në spital për ndihmë mjekësore.
Me drejtuesin e automjetit, H. D., po kryhen veprimet e mëtejshme procedurale. Grupit hetimor po punon për sqarimin e rrethanave të aksidentit."
© SYRI.net